சென்னை: பழனி கோவில் நில விற்பனை மோசடி, பெரும் புயலை கிளப்பிய நிலையில், அதே பாணியில், 400 கோடி ரூபாய் மதிப்புள்ள, திண்டுக்கல் பெருமாள் கோவில் சொத்துக்களை, தனி நபர் அறக்கட்டளை பெயருக்கு மாற்றி விற்று வருவது வெளிச்சத்திற்கு வந்துள்ளது.
விற்க முடியாது
இதுகுறித்து, ஹிந்து தமிழர் கட்சி தலைவர் ராம ரவிகுமார் கூறியதாவது: திண்டுக்கல் மாவட்டம், தாடிக்கொம்பு சவுந்தரராஜ பெருமாள் கோவிலுக்கு சொந்தமாக, 20.47 ஏக்கர் நிலம் உள்ளது.
இதன் சந்தை மதிப்பு, 600 கோடி ரூபாய். கடந்த, 1905 மற்றும் 1923-ம் ஆண்டுகளில், சித்ரா பவுர்ணமி மண்டகப்படி, திருமஞ்சனம், நிவேதனம் மற்றும் அன்னதானம் போன்ற தர்ம காரியங்களை நிரந்தரமாக நடத்துவதற்காக, பாலுசாமி அய்யர் என்பவரால், கோவிலுக்கு வழங்கப்பட்ட நிலம் இது.
இந்த சொத்துக்கள் அனைத்தும் கோவிலுக்குரிய, 'குறிப்பிட்ட சமய அறக்கட்டளை' சொத்துக்கள். வாரிசுகள் இவற்றை விற்க முடியாது. வாரிசுகள் இல்லாத பட்சத்தில் முழு நிர்வாகமும், திருக்கோவிலுக்கே சேரும் என, சட்டப்பூர்வமாக எழுதி வைத்துள்ளார்.
இந்த சொத்துக்களை பராமரிக்கும் அறங்காவலர்கள், சொத்துக்களின் உண்மை நிலையை நன்கு அறிந்திருந்தும், 2024ல், 'பாலுசாமி அய்யர் அண்ட் பிரதர்ஸ் டிரஸ்ட்' என்ற பெயரில் அறக்கட்டளை உருவாக்கி, இச்சொத்துக்களை தங்களின் சொந்த, 'டிரஸ்ட்' சொத்துக்கள் போல சித்தரித்துள்ளனர்.
திண்டுக்கல் : தாடிகொம்பு பெருமாள் கோயிலுக்கு சொந்தமான ரூ. பல கோடி மதிப்பு கட்டளை சொத்து உரிமத்தை சிலர் தங்களது பெயரில் மாற்றி உள்ளதாக அறநிலையத்துறையிடம் ஹிந்து முன்னணி புகார் அளித்துள்ளது.
ஹிந்து முன்னணி மாவட்ட துணைத்தலைவர் வினோத்ராஜ் அறநிலையத்துறை மாவட்ட அலுவலகத்தில் அளித்த புகார் மனுவில், தாடிக்கொம்பு சவுந்திரராஜ பெருமாள் கோயில் மூன்றாம் அவதாரம் கட்டளை சொத்தாக திண்டுக்கல்லில் 1540 சதுர அடி நிலம், கட்டடம் வாடகைக்கு விடப்பட்டுள்ளது. இதன் மூலம் வரும் வருமானத்தை வைத்து தசாவதார உற்ஸவ விழா நிகழ்ச்சிக்கு தேவையான செலவுகளை திருக்கோயில் நிர்வாகிகள் செய்தனர். தற்போது இந்த சொத்து சிலரின் பெயரில் மாற்றப்பட்டுள்ளது. இதன் மதிப்பு ரூ. பல கோடிகள்.கோயில் சொத்தை மீட்டெடுக்க அரசு முன் வர வேண்டும் என குறிப்பிட்டுள்ளார்.
https://www.dinamalar.com/news/tamil-nadu-district-news-dindigul/hindu-front-complains-of-multi-crore-property-grab-at-thadigombu-perumal-temple/4000162
https://www.facebook.com/reel/27781979131470823
No comments:
Post a Comment