மேயர் சிட்டிபாபு மரணமும், முக.ஸ்டாலின் செய்த கடனால் ஆழ்ந்த குடும்பம்

 மிசாவில் ஸ்டாலினுக்காக அடி வாங்கி இறந்தார் என்று திமுக அடிக்கடி சொல்லும் சிட்டி பாபுவுக்கு என்ன நடந்தது? படிப்போமா?

எம்ஜியார் நடத்திய “அண்ணா “நாளிதழில் 17-3-1982 இல் வந்த பொது அதிமுக பொது செயலாளர் ப.உ. சண்முகம் அவர்களின் பொது கூட்ட பேச்சு இதோ.

“அலுத்துப் போகாமல் திராவிட முன்னேற்றக் கழகத்திற்கு உழைத்து, 10 ஆண்டுகாலம் நாடாளுமன்ற உறுப்பினராகவும், ஓராண்டு சென்னை நகர மேயராகவும், அண்ணாவின் குடும்ப நண்பராகவும், கருணாநிதிக்கு மிகவும் வேண்டியவராகவும் இருந்து சிறையில் செத்த சிட்டிபாபு குடும்பம் நினைவுக்கு வரவில்லையா? கருணாநிதி சொன்னதன் பேரில் மு.க. முத்துவை நடிகனாக்க “நம்பிக்கை நட்சத்திரம்” என்ற படத்தை சிட்டிபாபு எடுத்தார். ஸ்டாலின் அந்தப் படத்தில் பங்குதாரர். முதலமைச்சர் மகனை கடன் பத்திரத்தில் கையெழுத்துப் போடச் சொல்ல முடியுமா? சிட்டிபாபுவே எல்லா பத்திரத்திலும் கையெழுத்துப் போட்டார். ஆட்சி கலைக்கப்பட்டது. சிறைக்குப் போன சிட்டிபாபு செத்து வெளியே வந்தார். படமும் வெளியே வந்தது. மிகப்பெரிய நஷ்டம்! கடைசியில் சிட்டிபாபுவின் வீடு ஏலத்திற்கு வந்தது. அவரது மனைவி தாய் வீட்டிலிருந்து கொண்டு ஆசிரியர் வேலை பார்த்து வருகிறார். இங்கே, எப்படியோ இறந்த சுப்பிரமணிய பிள்ளை குடும்பத்திற்கு பணம் கொடுத்த கருணாநிதி, சிட்டிபாபு குடும்பத்திற்கு ஒரு குடிசை கொடுத்து இருக்கக் கூடாதா? அந்தக் குடும்பம் பிழைக்க வழியில்லையே?

நெடும் பயணத்தின் போது சாத்தூர் மண்ணை மிதித்த கருணாநிதிக்கு மதுரை சிறையிலே செத்த சாத்தூர் பாலகிருஷ்ணனின் குடும்பம் ஏன் நினைவுக்கு வரவில்லை?”