அம்பிகா - ராதா எதி-எதிராக புகார் குற்றச்சாட்டு

 அம்பிகா புகாரில் ராதாவுக்கு எதிராக குற்றச்சாட்டு

நடிகை ராதா அவர்கள், சென்னை போரூரில் பி.ஆர் கார்டன்ஸ் என்ற பெயரில் தொழில் நடத்தி வருகிறார். தொழில் காரணங்களுக்காக வெளியூர் செல்லும்போது, அவசரக் கட்டணங்களுக்காக கையெழுத்திட்ட சில காலியான காசோலைகளை தனது அறையில் வைத்திருப்பது வழக்கம்.

2025 ஆம் ஆண்டு பி.ஆர் கார்டன்ஸ் என பெயர் மாற்றப்பட்டதால், ஐ.டி.பி.ஐ வங்கியிலிருந்து புதிய செக் புக் வழங்கப்பட்டு பழைய செக் புக் பயன்படுத்தாமல் போனது.

இந்தநிலையில், கடந்த செப்டம்பர் 17-ம் தேதி ஐ.டி.பி.ஐ வங்கியிலிருந்து ராதா அவர்களுக்கு வந்த மின்னஞ்சலில், பயன்படுத்ததில் இல்லாத அவரது பழைய 5 காசோலைகள், அக்கா அம்பிகா நாயர் பெயரில் வங்கியில் தாக்கல் செய்யப்பட்டுள்ளதாக தெரிவிக்கப்பட்டதாக கூறப்படுகிறது. வங்கியில் தாக்கல் செய்யப்பட்ட 5 செக்குகளின் மொத்தத் தொகை சுமார் ரூ.46 கோடி ஆகும். உடனடியாக வங்கிக்கு தகவல் தெரிவித்து அந்த செக்குகளுக்கான பண பரிவர்த்தனையை ராதா அவர்கள் நிறுத்தியுள்ளார்.

வங்கியில் விசாரித்த போது, அந்த பழைய காசோலைகளில் தொகையையும் பெயரையும் நிரப்பியது ராதாவின் சகோதரரான மல்லிகார்ஜுனா குஞ்சன் நாயர் கையெழுத்து என்பது தெரியவந்துள்ளது. இவர் மீது ஏற்கனவே மோசடி சட்டப் பிரிவுகளின் கீழ் வழக்குகள் நிலையில் உள்ளன. இது தொடர்பாக சென்னை வேப்பேரி காவல் ஆணையர் அலுவலகத்தில் நடிகை ராதா அவர்கள் புகார் அளித்துள்ளார்.

புகார் மனுவில், ஒரே இல்லத்தில் வசித்த போது நடிகை ராதா அவர்களின் 5 செக்குகளை நடிகை அம்பிகா மற்றும் சகோதரர் ஆகியோர் மோசடி செய்ததாக கூறப்பட்டுள்ளது. இதன் மூலம் ராதாவிற்கு தெரியவந்தும் வங்கி கணக்குகளை சோதனை செய்து பார்த்த போது 5 செக்குகளில் ரூ.46 கோடி அளவில் செக் மோசடி நடந்துள்ளது முழுவதுமாக தெரியவந்துள்ளது.

செக் மோசடி தொடர்பாக நடிகை ராதா அவர்கள் நேரடியாக சென்னை காவல் ஆணையர் அலுவலகத்தில் புகார் அளித்துள்ளதாகவும், இந்த புகார் தொடர்பாக விசாரணை நடைபெற்று வருவதாகவும் தெரிவிக்கப்பட்டுள்ளது. இந்த செய்தி சினிமா வட்டாரத்தில் பரபரப்பை கிளப்பியுள்ளது.