ஐ ஐ டி பாம்பே

 ஐ ஐ டி பாம்பேயில் பணிபுரியும் சூர்யநாராயணன் அவர்கள்

தனது பி டெக் எலக்ட்ரிக்கல் இன்ஜினியரிங் டிகிரியை நாகார்ஜுன் பல்கலைக்கழகத்தில் 2000 ஆண்டு முடித்தார்.

அதன் பிறகு எம் டெக் எனர்ஜி சிஸ்டம்ஸ் இன்ஜினியரிங் ஐஐடி பாம்பே ஐஐடியில் 2002-ம் ஆண்டு முடித்திருக்கிறார்.

டெல்லி ஐஐடியில் தனது பி ஹெச் டி முடித்திருக்கிறார்.

பிறகு அமெரிக்காவில் டெஸ்லா நிறுவனத்தில் பணிபுரிந்தவர் மீண்டும் இந்தியா திரும்பி ஐஐடி பாம்பேவிலேயே பணியில் சேர்கிறார்.

2009 -ல் Young Faculty award வாங்கியிருக்கிறார்.

2017-ல் Excellence in Teaching award ,

2021 SP Sukhatme Excellence in Teaching Award போன்ற விருதுகளை petra பேராசிரியர்.

அப்படிப்பட்டவர் தேர்வில் காப்பி அடித்ததை தடுத்ததற்காக, வன்கொடுமை தடுப்புச் சட்டத்தில் கைது செய்யப்பட்டு ஜெயிலில் இருக்கிறார்.

வன்கொடுமை தடுப்புச்சட்டம் தவறாக பயன்படுத்தப்படுகிறது,

பழிவாங்க பயன்படுத்தப்படுகிறது, மிரட்டி பணம் வாங்க பயன்படுத்தப்படுகிறது என்கிற குரல் நாடெங்கும் எழுந்து வரும் வேளையில், இந்த சம்பவம் வன்கொடுமை தடுப்புச்சட்டத்திற்கு எதிரான ஒரு மனநிலையை உருவாக்கியிருக்கிறது.

சமீபத்தில் தமிழகத்தில் கூட ஒரு ஆசிரியர் பாதிக்கப்பட்டார். இன்னொரு சம்பவத்தில் காதல் விவகாரத்தில் 17 வயது மகள் காதலனுடன் தூக்கிட்டு தற்கொலை செய்து கொள்ள, மகளின் பெற்றோர் மீதும், உறவினர்கள் மீதும் வன்கொடுமை தடுப்புச்சட்டம் பாய்ந்தது.

வன்கொடுமை தடுப்புச்சட்டத்தின் கீழ் வழக்கு பதிவு செய்யும் பொழுது அரசு நிவாரண தொகை கொடுக்கிறது. SC/ST ACT -ன் கீழ் வழக்கு பதிவு செய்யப்பட்டாலே முதல் தவணையாக 25% தொகை வழங்கப்படும், குற்றப்பத்திரிகை தாக்கல் செய்யப்படும் பொழுது இரண்டாம் தவணை வழங்கப்படுகிறது. இறுதி தீர்ப்புக்கு பின் மூன்றாம் தவணை.

இந்தப் பணம் பாதிக்கப்பட்ட குடும்பத்திற்கு மட்டும் இல்லாமல் வழக்கில் ஆஜராகும் வக்கீல்களுக்கு பங்கு பிரிக்கப்படுகிறது. இதனால் சாதாரணமாக பாதிக்கப்பட்ட பட்டியிலினத்தவர்களை கூட வன்கொடுமை தடுப்புச்சட்டத்தின் கீழ் வழக்கு பதிவு செய்ய மூளைச்சலவை செய்யப்படுகிறார்கள்.

வக்கீல்கள் ஒருபக்கம் என்றால் சமூகத்தலைவர்கள் இன்னொரு பக்கம். தலித்துகளுக்கான கட்சி என்று சொல்லக்கூடிய கட்சிகளின் இரண்டாம் கட்ட, மூன்றாம் கட்ட தலைவர்களின் வேலையே இதுதான். பாதிக்கப்பட்டவர்களுக்காக குரல் கொடுப்பதாக சொல்லிக்கொண்டு பாதிக்கப்பட்ட மக்களை வைத்து பணம் சம்பாதித்து வருகிறார்கள்.

அரசு கொடுக்கும் நிவாரணம் ஒருபுறம் என்றால், வன்கொடுமை தடுப்புச்சட்டத்தில் வழக்கு பதிவு செய்து விட்டு, அதை வாபஸ் வாங்குவதற்கு பேரம் பேசுவதும் இங்கே நடக்கிறது. அதில் தான் கொழுத்த பணம். எதிரில் இருப்பவர்களின் வசதிக்கேற்ப பேரம் நடக்கும். இப்படி பேரம் பேசி வாங்கப்படும் பணத்திலும் வக்கீல்கள், சமூகத்தலைவர்களுக்கு பங்கு போகும். அது போக பாதிக்கப்பட்டவர்களுக்கு சின்ன அமவுண்ட் கிடைத்தாலே அதிகம்.

சட்டத்தைப் பற்றி தெரிந்தவர்களும், தலித்துகளுக்காக குரல் கொடுப்பவர்களும் தலித் மக்களை முன்னிறுத்தி பணம் சம்பாதிப்பது இந்தியா முழுவதும் நடைபெறுகிறது.

அதனால் தான் நாடு முழுவதும் வன்கொடுமை தடுப்புச் சட்டத்தை ரத்து செய்ய வேண்டும், அல்லது மாறுதல் செய்ய வேண்டும் என்று குரல்கள் எழும்பி வருகின்றன.

இதில் அதிகம் பாதிக்கப்படுவது இடைநிலை சமூகங்கள் தான். வன்கொடுமை தடுப்பு சட்டம் தவறாக உபயோகிக்க படுவது நாடு முழுவதும் விவாதத்தை ஏற்படுத்தி வருகிறது.

உத்தரபிரதேச அலகாபாத்தில் ஒரு வக்கீல் குடும்பம் வன்கொடுமை தடுப்பு சட்டத்தை பயன்படுத்துவதையே முழுநேர வேலையாக செய்து வந்ததை சமீபத்தில் உயர்நீதிமன்றம் கண்டு பிடித்து விசாரணைக்கு உத்தரவிட்டிருந்தது. வன்கொடுமை தடுப்புச் சட்டத்தின் மூலம் 23 லட்சம் பெற்றிருக்கிறார்கள். மேலும் 10க்கும் மேற்பட்ட வன்கொடுமை வழக்குகளை நடத்தி வருகிறார்கள் என்று கண்டறியப்பட்டது.

படிப்பறிவு இல்லாத, பொது அறிவு இல்லாத, தங்களுக்கான சட்டப்பாதுகாப்பு, உரிமை, இடஒதுக்கீடு பற்றியெல்லாம் தெரியாத பட்டியலின மக்கள் இருக்கத்தான் செய்கிறார்கள். அப்படியான மக்கள் பாதிக்கப்படும் பொழுது அவர்களுக்கு சட்டப்பாதுகாப்பு தேவை என்பதில் மாற்றுக்கருத்து இருக்கவே முடியாது.

ஆனால் பல இடங்களில் வன்கொடுமை தடுப்புச்சட்டம் தவறாக பயன்படுத்தப்படுகிறது என்பதையும் மறுக்க முடியாது. இது தொடர்ந்தால் இடைநிலை சாதிகளுக்கும், பட்டியலின மக்களுக்குமான இடைவெளி மேலும் அதிகரிக்கும். எந்தக்காலத்திலும் அமைதி இருக்காது என்பதை அனைவரும் புரிந்து கொள்ளவேண்டும்.