திருக்குறள் (&திருவள்ளுவர்) சமயம் - ஔவையார்

தேவர் குறளும் திருநான்மறை முடிவும்
மூவர் தமிழும் முனிமொழியும்-கோவை
திருவாசகமும் திருமூலர் சொல்லும்
ஒரு வாசகம் என்று உணர்.    (ஔவையார் நல்வழி -40)

தெய்வப் புலவர் திருவள்ளுவ நாயனார் அருளிச் செய்த திருக்குறளும்,  திருநான்மறை எனப் போற்றப்படும், ரிக், யசுர், சாம & அதர்வண நான்கு வேதங்களின் முடிவான முடிவு எனப்படும் வேதாந்த உபநிடதங்களும், திருஞானசம்பந்தர், திருநாவுக்கரசர், நம்பி ஆரூரர் என மூவர் அருளிய தேவாரமும், முனி நம்மாழ்வர் அருளிய திருவாய்மொழியும் மாணிக்கவாசகர் பாடிய திருக்கோவையார், திருவாசகம்,  திருமூலர் வாக்காகிய திருமந்திரமும் ஒரே பொருள், ஒரே முடிபு உடையவை என்று உணர்ந்து கொள்ள வேண்டும். 

 திருக்குறள் - முழுமையான சனாதன நூல் - வள்ளுவம் இயற்றிய அடுத்த நூற்றாண்டில் எழுந்த தமிழ் சமணர் மணக்குடவர் உரைப்படியே வேதங்களைப் போற்றும் நூல்

 தேவர் குறள்:

கோளில் பொறியிற் குணமிலவே எண்குணத்தான்

தாளை வணங்காத் தலை

                                    (குறள்:9)

திருநான்மறை முடிவு:

மறை முடிவு - வேத அந்தமான சாந்தோக்ய ஶ்ருதி பரம்பொருளுக்கான எண்குணங்களை மொழிகிறது-

1.அபஹதபாப்மத்வம் (பாவமற்ற தூயதன்மை), 

2.விஜரத்வம் (மூப்பின்மை), 

3.விம்ரு'த்யுத்வம் (மரணமற்றதன்மை), 

4.விஶோகத்வம் (துயரமின்மை), 

5.விஜிகத்ஸத்வம் (பசியில்லாமை), 

6.அபிபாஸத்வம் (தாகம் இல்லாமை),

7.ஸத்யகாமத்வம் (விரும்பியதைப் பெறும் தன்மை), 

8.ஸத்ய ஸங்கல்பத்வம் (முற்றுப்பெறும் நினைவுடைமை) திருக்குறள் முழுமையாக வீடுபேறை வலியுறுத்துகிறது. பேரா.சுந்தரமூர்த்தி- செம்மொழி தமிழ் நிறுவனத் துணைத் தலைவர் மற்றும் தஞ்சை தமிழ் பல்கலைக்கழக முன்னாள் துணை வேந்தர்(இவர் முனைவர் பட்ட கையேடு திருக்குறள் பரிமேலழகர் உரை தான்)

 

நிறைமொழி மாந்தர் பெருமை நிலத்து

மறைமொழி காட்டி விடும்.

அந்தணர் நூற்கும் அறத்திற்கும் ஆதியாய்

நின்றது மன்னவன் கோல். குறள் 543: செங்கோன்மை 

மணக்குடவர் உரை: அந்தணர்க்கு உரித்தாகிய வேதத்திற்கும் அதனால் கூறப்பட்ட அறத்திற்கும் முதலாக நின்றது அரசன் செய்யும் முறைமை.