Banned Muslim Terrorist PFI - regroup and do practise in Police ground, fundamentalism grows

 

14,776 Convicts missing

 

Andhra Paddy sent back - Rice prices keep Increasing

 

ஈ.வெ.ராமசாமியார் காங்கிரஸ் கதர் நிதி சுருட்டியதால் வெளியேற்றப்பட்டார்

கதர் நிதி ஊழல் சர்ச்சை

https://www.youtube.com/watch?v=SCJ3rFWiOVI

ஈ.வெ.ராமசாமியார் காங்கிரசிலிருந்து வெளியேறியதற்கான காரணம் குறித்துப் பேசும்போது, பொதுவாகக் கூறப்படும் 'சாதிப் பாகுபாடு' என்ற கதையாடலை மறுக்கிறார் [04:45].

• 1921-ஆம் ஆண்டு நெசவாளர்களை ஆதரிக்கவும் கதர் இயக்கத்தை வளர்க்கவும் பம்பாய் மத்திய காங்கிரஸ் கமிட்டியிடமிருந்து தமிழ்நாடு காங்கிரஸ் கமிட்டிக்கு நிதி ஒதுக்கப்பட்டது [06:08], [06:17].

• அதில் பெறப்பட்ட நிதியில் பெருந்தொகையை உரிய காலத்தில் திருப்பிக் கொடுக்காமல் பதுக்கி வைத்திருந்ததாகவும், காங்கிரஸ் கமிட்டியின் விசாரணைக் குழுவுக்குப் பிறகே பகுதி பணம் திரும்பத் தரப்பட்டது என்றும், இதில் எஞ்சிய ₹7,500 விவகாரமே பெரியாரின் வெளியேற்றத்திற்குக் காரணமாக அமைந்தது என்றும் வரலாற்றுத் தரவுகளை மேற்கோள் காட்டுகிறார் [07:27], [07:34].

வாஜ்பாய் 1998 ஆட்சி பொக்ரான் அணுசோதனை வெடிப்பு

1995-இல் அப்போதைய பிரதமர் நரசிம்மராவ் முன்பு, டி.ஆர்.டி.ஓ (DRDO) தலைவராக இருந்த அப்துல் கலாமும், இந்திய அணுசக்தி ஆணையத்தின் தலைவர் ஆர். சிதம்பரமும் அமர்ந்திருந்தார்கள்.

நரசிம்மராவ் அவர்களிடம், "இன்னும் ஒரு ஆண்டில் சி.டி.பி.டி (CTBT - Comprehensive Nuclear-Test-Ban Treaty) எனும் விரிவான அணுசோதனைத் தடை ஒப்பந்தம் உலகளவில் கையெழுத்தாகப்போகிறது. 1974-இல் நாம் இந்திரா காந்தி தலைமையில் 'சிரிக்கும் புத்தர்' (Smiling Buddha) எனும் பெயரில் பொக்ரானில் அணுசோதனை நடத்தியிருந்தோம். ஆனால் அது ஒரு எளிய பிளவு வகை (Fission) குண்டு மட்டுமே. அதை முழுமையான ராணுவ ரீதியிலான அணுஆயுதம் எனச் சொல்ல முடியாது. 'அமைதிக்கான அணுசோதனை' என்றே பிரகடனப்படுத்தியிருந்தோம்.

இப்போது தெர்மோநியூக்ளியர் (ஹைட்ரஜன் குண்டு) உட்பட ஐந்து வகையான குண்டுகள் நம்மிடம் தயார் நிலையில் உள்ளன. 1996-க்கு முன்பு இவற்றை வெடித்துச் சோதனை செய்ய வேண்டும். அதற்குப் பின் செய்தால் கடுமையான பொருளாதாரத் தடைகள் வரும். வளரும் பொருளாதாரத்தைக் கொண்ட இந்தியாவால் அதைத் தாங்க முடியாது. பொக்ரானில் அணுசோதனை செய்து, இந்தியா ஒரு அணுஆயுத வல்லரசு எனும் பிரகடனத்துடன் சர்வதேச அணுசக்தி ஒப்பந்தங்கள் விவாதிக்கப்படும் மேஜையில் நாமும் அமர வேண்டும்..." என்றார்.

கலாமும் சிதம்பரமும் பொக்ரான் சென்று வேலைகளைத் தொடங்கினார்கள். ஆனால், டிசம்பர் மாதம் அமெரிக்கத் தூதர் ஃபிராங்க் விஸ்னர், பிரதமரின் முதன்மைச் செயலாளர் ஏ.என். வர்மா (A.N. Varma) அவர்களைச் சந்திக்கப் பிரதமர் அலுவலகத்திற்குப் (PMO) நேரடியாக வந்தார்.

வர்மாவின் மேஜை மேல், அமெரிக்க உளவுச் செயற்கைக்கோள் (KH-11) எடுத்த படங்கள் பரப்பப்பட்டன. பொக்ரான் பாலைவனத்தில் இந்தியா சோதனைகளுக்கான கிணறுகளைத் தோண்டுவதையும், ராணுவ வாகனங்கள் நடமாடுவதையும் அந்தப் புகைப்படங்கள் தெளிவாகக் காட்டின.

"எனக்கு இதுபற்றி எதுவும் தெரியாது" என ஏ.என். வர்மா மறுத்தாலும், "இந்தப் புகைப்படங்களைக் கொடுங்கள், விசாரித்துச் சொல்கிறேன்" என்றார்.

அதற்கு விஸ்னர் கோபத்துடன், "ஹாஹா! இதை வைத்து அது எந்தச் செயற்கைக்கோள் எனக் கண்டுபிடிப்பதுதான் உங்கள் நோக்கமா? தர முடியாது! ஒன்று மட்டும் நினைவில் வைத்துக்கொள்ளுங்கள்; இங்கு நடப்பதெல்லாம் எங்களுக்குத் தெரியும். விரைவில் அதிபர் பில் கிளிண்டன் உங்கள் பிரதமருடன் பேசுவார்..." எனக் கூறிப் புகைப்படங்களை எடுத்துக்கொண்டார்.

அதன்பின் அமெரிக்காவும் ஐரோப்பிய நாடுகளும் சேர்ந்து கடும் நெருக்கடி கொடுத்தன; பொருளாதாரத் தடைகளை விதிப்போம் என எச்சரித்தன. அமெரிக்க அதிபர் பில் கிளிண்டன் நேரடியாகப் போனில் பேசி நரசிம்மராவைச் சோதனைகளைத் தற்காலிகமாகக் கைவிட வைத்தார்.

---

1996

தேர்தலில் நரசிம்மராவ் தோல்வியடைந்தார். சிறுபான்மை அரசு எனும் சூழலில் வாஜ்பாய் பிரதமராகப் பொறுப்பேற்றார். பிரதமரின் அதிகாரப்பூர்வ இல்லமான '7, ரேஸ் கோர்ஸ் ரோட்டில்' வாஜ்பாயை நரசிம்மராவ் சந்தித்தார்.

அப்போது நரசிம்மராவ் வாஜ்பாயிடம் ஒரு கடிதக் குறிப்பைக் கொடுத்தார். அதில் "கலாம் சே மிலியே" (கலாமைச் சந்தியுங்கள்) என எழுதப்பட்டிருந்தது.

அப்துல் கலாமை வாஜ்பாய் சந்தித்ததும் அனைத்து விவரங்களையும் கலாம் விளக்கினார். அத்துடன் ஒரு மிகப்பெரிய ரகசியத்தையும் வெளியிட்டார்:

"அமெரிக்கத் தூதர் விஸ்னர் ஏ.என். வர்மாவைச் சந்தித்துப் புகைப்படங்களைக் காட்டியபோது, அந்தப் புகைப்படங்கள் நம்மிடம் கிடைக்கவில்லை என்றாலும், அதன் ஓரங்களில் (Edges) அமெரிக்க உளவுச் செயற்கைக்கோள் பொக்ரான் பகுதியைக் கடந்து சென்ற துல்லியமான தேதி மற்றும் நேரக் குறிப்புகள் (Date and Time stamp) பதிவாகியிருந்தன.

அந்த நேர விவரங்களை ஏ.என். வர்மா துல்லியமாக மனப்பாடம் செய்து விஞ்ஞானிகளிடம் கொடுத்தார். அதை வைத்து அது என்ன வகையான செயற்கைக்கோள், பூமியைச் சுற்றிவர அதற்கு எவ்வளவு நேரமாகும், பொக்ரான் மேல் எத்தனை மணி நேரத்திற்கு ஒருமுறை பறக்கும் எனும் அனைத்துத் தரவுகளையும் நமது விஞ்ஞானிகள் கணக்கிட்டுவிட்டனர். இம்முறை துளி தவறும் இல்லாமல் நம்மால் அதை வெற்றிகரமாகச் செய்து முடிக்க முடியும்" என்றார்.

"உடனே தொடங்குங்கள்" என வாஜ்பாய் ஆணையிட்டபோதும், 13 நாட்களில் ஆட்சி கவிழ்ந்ததால் அப்போது அதைச் செய்ய முடியாமல் போனது.

---

1998

மீண்டும் வாஜ்பாய் ஆட்சிக்கு வந்ததும் கலாம் தலைமையில் குழு களமிறங்கியது. அப்துல் கலாமுக்கு 'மேஜர் ஜெனரல் பிருத்விராஜ்' எனும் புனைபெயர் சூட்டப்பட்டது. டாக்டர் சிதம்பரம் 'மேஜர் நடராஜ்' ஆனார். "மேஜர் ஜெனரல் பிருத்விராஜும் நடராஜும் ராஜஸ்தான் சென்றதாக" அமெரிக்க உளவுத்துறை ஒட்டுகேட்ட செய்திகள் தெரிவித்தன. ஆனால் அப்துல் கலாம் டெல்லியில் உள்ள DRDO தலைமையகத்தில் தான் இருக்கிறார் என அமெரிக்கா தவறாக நினைத்து ஏமாந்தது.

பொக்ரானை நோக்கி ராணுவ டிரக்குகள் விரைந்தன. செயற்கைக்கோள் 6 மணி நேரத்திற்கு ஒருமுறை பொக்ரான் மேல் பறக்கும். அந்த நேரத்தைத் துல்லியமாகக் கணக்கிட்டு, டிரக்குகள் மீது தார்பாய்கள் போர்த்தப்பட்டு, மணல் பரப்பப்பட்டு அவை மணல்குன்றுகளாக மாற்றப்பட்டன. செயற்கைக்கோள் கடந்து சென்றதும் மீண்டும் பயணித்தன.

ராணுவ வீரர்கள் மற்றும் கிராம மக்களின் உடையில் விஞ்ஞானிகள் பொக்ரான் சென்றடைந்தனர். செயற்கைக்கோள் வராத இடைவெளியில் நிலத்தடியில் குழிகள் தோண்டப்பட்டன. அதில் பெரிய குழிக்கு "ஒயிட் ஹவுஸ்" (White House) எனப் பெயரிடப்பட்டு, அதில் ஒரு அணுகுண்டு இறக்கப்பட்டது.

செயற்கைக்கோள் வரும் சமயம் குழிகள் மூடப்பட்டு, அதன்மேல் மணல் பரப்பப்பட்டிருக்கும்.

மும்பையிலிருந்து அணுக்கரு வெடிபொருட்கள் லாரிகளில் ஏற்றப்பட்டு, சாதாரணச் சரக்கு லாரிகள் போல அதே செயற்கைக்கோளின் சுழற்சி அட்டவணைக்கு ஏற்பப் பொக்ரான் வந்து சேர்ந்தன.

---

மே 11, 1998

தார் பாலைவனத்தில் கடும் சூறாவளிக்காற்று வீசும் சமயம்; அக்னி நட்சத்திரம் உச்சத்தில் இருக்கும் காலம். "நிச்சயமாக இந்தச் சூழலில் அணுசோதனை நடத்த முடியாது" என உலகம் நினைத்திருந்த வேளையில், அணுவெடிப்புகள் நிகழ்த்தப்பட்டன. (மே 11 அன்று 3 குண்டுகளும், மே 13 அன்று 2 குண்டுகளும் வெடிக்கப்பட்டன).

மதியம் வெடித்த குண்டுகளின் அதிர்வலைகள் உலகெங்கும் உள்ள ரிக்டர் அளவுகோல்களில் பதிவாகின. எந்த நாடு இந்தச் சோதனையைச் செய்தது என்பதைக் கூடக் கண்டுபிடிக்க முடியாமல் அமெரிக்காவின் CIA திணறியது. மதியம் 3:45-க்கு அணுகுண்டுகள் வெடித்த அதிர்வலைகள் உலகெங்கும் ரிக்டர் அளவுகோலில் பதிவாகியிருந்தாலும், எந்த நாட்டில் இருந்து வந்தது என அவற்றால் கண்டுபிடிக்க முடியவில்லை. பொக்ரானிலும் அன்று மதியம் எடுத்த புகைப்படங்கள் சாதாரணமாகத்தான் இருந்தன.

"யார் பார்த்த வேலை இது" எனத் தெரியாமல் அடுத்த இரண்டு மணி நேரங்கள் அமெரிக்க உளவு அமைப்புகள் தலையில் கையை வைத்துக்கொண்டு திரிந்த அவலத்தை விசாரிக்க, பில் கிளிண்டன் பின்னாட்களில், ஓய்வுபெற்ற அட்மிரல் டேவிட் ஜெரமையா தலைமையில் ஒரு உயர்மட்டக் குழுவை அமைத்தார்.

"அமெரிக்க உளவுத்துறை இந்தத் தசாப்தத்தில் கண்ட மிகப்பெரும் தோல்வி இது" என அந்தக் கமிட்டி அறிக்கை கொடுத்தது.

அன்று மாலை 5:30 மணிக்குத்தான் பிரதமர் வாஜ்பாய் அந்த அதிகாரபூர்வமான அறிவிப்பைச் செய்தியாளர் சந்திப்பில் வெளியிட்டார்.

அவர் சொல்லும் வரை சி.ஐ.ஏ-வால் அதைக் கண்டுபிடிக்கவே முடியவில்லை.

அதன்பின் அமெரிக்க நாடாளுமன்றத்தில் அலோலகல்லோலம் நடந்தது. செனட்டர் ரிச்சர்ட் ஷெல்பி மறுநாள் அமெரிக்க உளவுத்துறையைச் செனட்டில் வைத்துச் சரமாரியாகக் கேள்வி எழுப்பினார்.

அதையெல்லாம் சிரித்தபடி ராஜஸ்தானில் இருந்து மேஜர் ஜெனரல் பிருத்விராஜும், மேஜர் நடராஜும் பார்த்துக்கொண்டிருந்தனர்.

"புத்தர் பொக்ரானில் மீண்டும் இரண்டாம் முறை சிரித்தார்" என கலாம் அதை வர்ணித்தார்.

#History_is_his_story

~ நியாண்டர் செல்வன்