5 குழந்தைகளின் தந்தை கத்தோலிக்கத் திருச்சபையின் நிரந்தர டீக்கனாக திருநிலைப்படுத்தப்பட்டார்!
https://www.facebook.com/photo/?fbid=4641423816090504&set=a.1878785659021014
5 குழந்தைகளின் தந்தை கத்தோலிக்கத் திருச்சபையின் நிரந்தர டீக்கனாக திருநிலைப்படுத்தப்பட்டார்!கனடா: கேரளாவைச் சேர்ந்த மருத்துவர் டாக்டர் ஜோ ஜோஸ். ஐந்து குழந்தைகளின் தந்தையான நிலையில், கத்தோலிக்கத் திருச்சபையின் நிரந்தர டீக்கனாக (Permanent Deacon) திருநிலைப் படுத்தப்பட்டுள்ளார்.
கோட்டயம் மருத்துவக் கல்லூரியில் மருத்துவம் பயின்ற காலத்தில் ஜீசஸ் யூத் இயக்கத்துடன் இணைந்த டாக்டர் ஜோ ஜோஸ், அப்போது செவிலியர் மினிஸ்ட்ரி உருவாகவும் வளரவும் முக்கிய பங்களிப்பை வழங்கினார்.
திருமணத்திற்குப் பின்னர் கனடாவில் குடியேறிய அவர், அங்கும் தனது மருத்துவப் பணியுடன் இணைந்து இறைப்பணி மற்றும் சமூகப் பணிகளில் தொடர்ந்து ஈடுபட்டு வந்தார்.
மருத்துவப் பணியுடன் சேர்த்து, சுமார் ஐந்து ஆண்டுகள் இறையியல் மற்றும் டீக்கன் உருவாக்கப் பயிற்சியை மேற்கொண்ட அவர், தற்போது நிரந்தர டீக்கனாக திருநிலைப்படுத்தப்பட்டுள்ளார்.
டாக்டர் ஜோ ஜோஸ், சீரோ மலபார் கத்தோலிக்கத் திருச்சபையின் மூன்றாவது பொதுநிலையினராக நிரந்தர டீக்கன் திருநிலையைப் பெற்றவராகவும், வட அமெரிக்காவில் இந்த அழைப்பைப் பெற்ற முதல் நபராகவும் குறிப்பிடப்படுகிறார்.
நிரந்தர டீக்கன்கள் திருப்பலியில் நற்செய்தி வாசித்தல், மறையுரை வழங்குதல், திருமுழுக்கு வழங்குதல், பாவசங்கீர்த்னம் கொடுத்தல், திருமணச் சடங்குகளில் பணியாற்றுதல், நற்கருணையை வழங்குதல் உள்ளிட்ட பல்வேறு திருச்சபைப் பணிகளில் ஈடுபடுகின்றனர்.
மேலும், திருச்சபையின் திருநிலைக்குரிய உடையான வெள்ளை அங்கி உள்ளிட்ட liturgical vestments அணிந்து திருப்பணி ஆற்றும் உரிமையும் அவர்களுக்கு உள்ளது.
பொதுநிலையினரும் தங்கள் குடும்ப வாழ்க்கை மற்றும் தொழிலுடன் இணைந்து திருச்சபையின் மறைப்பணியில் ஆழமாகப் பங்கேற்க முடியும் என்பதற்கு டாக்டர் ஜோ ஜோஸின் பயணம் ஒரு குறிப்பிடத்தக்க எடுத்துக்காட்டாக அமைந்துள்ளது.
Catholic Healing News (Towards Global Peace) Image:Shalom News
No comments:
Post a Comment