யூடியூபர் கிருஷ்ணவேல் கைது -: மேரி மாதா விமர்சன விதமாக வீடியோ

 மதரீதியிலான சர்ச்சை பதிவு: சென்னை யூடியூபர் கைது

தூத்துக்குடி:  தூத்துக்குடி: மத ரீதியிலான மோதலை தூண்டும் விதமாக யூடியூபில் வீடியோ பதிவிட்ட சென்னயைச் சேர்ந்த யூடியூபரை தூத்துக்குடி சைபர் கிரைம் போலீசார் கைது செய்தனர். சென்னை ஜாபர்கான்பேட்டை அருகேயுள்ள நேதாஜி நகரைச் சேர்ந்தவர் கிருஷ்ணவேல் (55). பிரபல யூடியூபரான இவர் புளு பிரின்ட் என்ற பெயரில் யூடியூப் சேனல் நடத்தி வருகிறார். தூத்துக்குடி மாவட்டத்தை பூர்வீகமாகக் கொண்ட இவர், வரலாறு, அரசியல், மழை வளம் குறித்து தனது கருத்துக்களை யூடியூபில் பதிவிடுவது வழக்கம். கடந்தாண்டு இறுதியில் மேரி மாதாவின் மான்பை குறைக்கும் வகையில் வீடியோ ஒன்றை பதிவிட்டுள்ளார். இதுகுறித்து தெரியவந்த தூத்துக்குடியை சேர்ந்த போதகர் ஒருவர் நெல்லை சரக டிஐஜி திருநாவுக்கரசுவிடம் புகார் அளித்தார்.

டிஐஜி உத்தரவின்பேரில் விசாரணை மேற்கொண்ட தூத்துக்குடி சைபர் கிரைம் போலீசார், கிருஷ்ணவேல் மீது பிஎன்எஸ் சட்டப்பிரிவுகள் 79, 299, 302, 352 மற்றும் தகவல் தொழில்நுட்ப சட்டம் 67 உள்ளிட்ட 5 பிரிவுகளின் கீழ் அதாவது பெண்களின் மாண்பு குறித்து அவதூறாக பதிவிடுதல், மத உணர்வை புண்படுத்துதல், மதங்களுக்கு இடையே மோதலை தூண்டுதல்,பொது அமைதிக்கு பங்கம் விளைவித்தல், தகவல் தொழில் நுட்பத்தை பயன்படுத்தி அவதூறாக பதிவிடுதல் உள்ளிட்ட பிரிவுகளின் கீழ் வழக்குப் பதிவு செய்து அவரை தேடி வந்தனர். இந்நிலையில் சென்னையில் இருந்த கிருஷ்ணவேலை தூத்துக்குடி சைபர் கிரைம் போலீசார் நேற்று கைது செய்தனர்.