உமாநாத் ஐஏஎஸ். வசூல் வேட்டை - Savukku Sankar

 தூயசக்தி ஆட்சியில் வசூல் வேட்டையை தொடங்கிய உமாநாத் ஐஏஎஸ்.

https://x.com/SavukkuOfficial/status/2071446658806906965/photo/1

அதிமுக ஆட்சியில் Tamil Nadu Medical Services Corporation நிறுவனத்தின் மேலாண் இயக்குனராக இருந்து வசூலை அளிக்குவித்தவர்தான் உமாநாத் ஐஏஎஸ். அப்போதைய சுகாதாரத்துறை அமைச்சரான விஜயபாஸ்கருக்கு பல வழிகளில் வசூல் செய்ய சொல்லிக்கொடுத்ததும் உமாநாத் தான். அப்போது கோவிட் காலத்தில், மாஸ்க் வழங்குவதற்காக உமாநாத் உள்ளே நுழைந்த நிறுவனம் தான் Anitha Texcot. இது உமாநாத்தின் பினாமி நிறுவனம். பொம்மை முதல்வர் ஆட்சியில் உமாநாத், முதல்வரின் செயலாளர் ஆனார். சுற்றி என்ன நடக்கிறது என்றே தெரியாமல் கொளத்தூரில் தோற்பது வரை ஸ்டாலினை இருட்டில் வைத்திருந்ததில் பெரும் பங்கு வகித்தவர் உமாநாத். இந்த காலகட்டத்தில்தான் Anitha Texcot நிறுவனம் அசுர வளர்ச்சி பெற்றது. கர்பிணிகளுக்கான ஊட்டச்சத்து பெட்டகம், குழந்தைகளுக்கான பெட்டகம், என அரசின் பல துறைகளில் டெண்டர் எடுத்து பல கோடிகளை Anitha Texcot மற்றும் உமாநாத் சம்பாதித்தனர். இது குறித்து அப்போதைய தமிழக பிஜேபி தலைவர் அண்ணாமலை குற்றச்சாட்டுகளை முன்வைத்தார் என்பது குறிப்பிடத் தக்கது. https://dinamani.com/tamilnadu/2022/jun/05/கா்ப்பிணிகளுக்கான-ஊட்டச்சத்து-பெட்டகத்-திட்டத்தில்-முறைகேடு-கேஅண்ணாமலை-3856855.html திமுகவின் சுகாதாரத்துறை அமைச்சர் மராத்தான் ஓடிக்கொண்டே இருந்ததால், எதையும் கவனிக்கவில்லை. சுகாதாரத்துறை, உள்ளிட்ட பல துறைகளை தன் கட்டுப்பாட்டில் வைத்திருந்த உமாநாத், கோடிகளை அள்ளி குவித்தார். புதிய ஆட்சியில் உமாநாத் உணவு நுகர்பொருள் வழங்கு துறையின் ஆணையராக நியமிக்கப்பட்டார். ஒரு ஆண்டுக்கு ஆயிரக்கணக்கான கோடி டெண்டர்கள் வழங்கும் நிறுவனம் தான் உணவு நுகர்பொருள் வழங்கு துறை. இந்த துறைக்கு ஒரு நல்ல அதிகாரியை நியமிக்க வேண்டாமா ? உமாநாத் இல்லா விட்டால் வேறு அதிகாரியே இல்லையா ? புதிய ஆட்சி வந்த இரண்டு வாரங்களில் துறையின் அமைச்சருக்கு தெரியாமல் பாமாயில் மற்றும் பருப்பு வாங்க 1800 கோடிக்கு டெண்டர் விட்டு, அதில் ஒன்றரை சதவிகித கமிஷனை பார்த்து விட்டார் உமாநாத். டெண்டர் விட்டது உட்பட, எந்த தகவலும் துறையின் அமைச்சர் வெங்கட்ராமனுக்கு தெரிவிக்கப்படுவதில்லை. அடுத்து Anitha Texcot நிறுவனத்தை உணவு நுகர்பொருள் துறையில் நுழைக்க முயற்சி எடுத்துக்கொண்டு இருக்கிறார் உமாநாத். இப்பதவிக்கு உமாநாத்தை பரிந்துரை செய்தது யார் என்பது முதல்வர் விஜய்க்கு தெரியும். அந்த நபர் செய்த பரிந்துரைகள் அனைத்தையும் மறுபரிசீலனை செய்ய வேண்டிய தருணம் வந்து விட்டது. ஊழல், லஞ்சம் இல்லாத ஆட்சியை நடத்த வேண்டும் என்ற முதல்வர் விஜயின் நோக்கம் உன்னதமானது. அந்த நோக்கத்துக்கு உமாநாத் போன்றோர் பேரும் தடையாக இருப்பதோடு ஆட்சிக்கு அவப்பெயரையும் ஏற்படுத்துவார்கள் என்பதை முதல்வர் விஜய் உணர வேண்டும்.