அனிதா ராதாகிருஷ்ணன் கிறிஸ்துவ சர்ச் நிலத்தை மோசடி வழக்கு..

கிறிஸ்துவ சர்ச் நிலத்தை மோசடி செய்ததாக அனிதா ராதாகிருஷ்ணன் மீதான வழக்கு..

சென்னை: கிறிஸ்துவ சர்ச்க்கு சொந்தமான நிலங்களை போலி ஆவணங்களை சமர்ப்பித்து குறைந்த விலைக்கு வாங்கி மோசடி செய்ததாக முன்னாள் அமைச்சர் அனிதா ராதாகிருஷ்ணனுக்கு எதிராக தாக்கல் செய்யப்பட்ட வழக்கில், விசாரணை அறிக்கையை இரண்டு வாரங்களுக்குள் தாக்கல் செய்ய வேண்டும் என காவல் துறையினருக்கு உயர் நீதிமன்றம் உத்தரவு பிறப்பித்துள்ளது. தூத்துக்குடி மாவட்டம் ஸ்ரீவைகுண்டம் தாலுகாவை சேர்ந்த வீர செல்வம் என்பவர் சென்னை உயர் நீதிமன்றத்தில் மனு ஒன்றை தாக்கல் செய்துள்ளார். அதில், கடந்த 2001- ஆம் ஆண்டு முதல் 2006 ஆம் ஆண்டு வரையிலான ஆட்சி காலத்தில் தமிழக அமைச்சராக இருந்த அனிதா ராதாகிருஷ்ணன், தூத்துக்குடி திருச்செந்தூர் புனித தோமையார் அப்போஸ்தலர் கிறிஸ்துவ சர்ச்  சுமார் 10 அரை கிரவுண்டு நிலத்தை சுப்பையா என்பவருடன் இணைந்து போலி அதிகார பத்திரத்தை சமர்பித்து வழிகாட்டு மதிப்பீடுகளை குறைத்து பத்திரப் பதிவு செய்து மோசடியில் ஈடுபட்டதாக குற்றம்சாட்டியிருந்தார்.