ஈவெராமசாமி சொன்னது, "இந்தத் திருச்சியிலே சர்க்கார் (அரசு) ஆஸ்பத்திரியிலே (மருத்துவமனையிலே) இருக்கிற (மாவட்ட மருத்துவ அதிகாரியிடம்) டி.எம்.ஓ.விடம் நோய் என்று சொல்லி எங்களுடைய ஆள்கள் போனால் மிகவும் மரியாதைக் குறைவான வார்த்தைகளால் திட்டி இழிவுபடுத்துகிறாராம்..
அவர் ஜாதிமுறைப்படி ஓர் ஆதி திராவிடர் பறையன், பஞ்சமன் என்று சொல்லப்படும் கீழ் ஜாதியைச் சார்ந்த ஒருவர். இவர்களுக்கெல்லாம் என்ன பிறக்கும்போதே யோக்கியதை, அந்தஸ்து (தகுதி) வந்துவிட்டதா? யாராலே வந்தது இந்த யோக்கியதை என்று எண்ணிப் பார்க்க வேண்டாமா? இந்த சுயமரியாதை இயக்கம் தோன்றிய பிறகுதானே பறையன், சக்கிலி, பஞ்சமன் என்பவரெல்லாம் மாறிக் கொண்டு வருகின்றன. யாராவது மறுக்கட்டுமே பார்க்கலாம்.
இதுமாதிரி ஆள்கள் எல்லாம் டி.எம்.ஓ.வாக வருவதற்கு யார் முயற்சி பண்ணினது? சொல்லட்டுமே பார்ப்போம்! ஜஸ்டிஸ் கட்சி என்ற இந்தத் திராவிடர் கழகம் தோன்றுவதற்கு முன்னால் எந்தப் பறையன், எந்தச் சக்கிலி, எந்தப் பஞ்சமன் இங்கு டி.எம்.ஓ.வாக (மாவட்ட மருத்துவ அதிகாரியாக) வந்திருக்கிறான்? எடுத்துக்காட்டினால் ஏற்றுக் கொள்கிறேன். நீங்கள் பிறவியில் இழிந்தவர்; ஜாதியால் கீழ்ஜாதி; உங்கள் பிறவி இழிவை ஒழிக்கப் பாடுபடுகிறோம். அதற்கு ஆக ஜெயிலுக்கு (சிறைக்கு) வந்தோம். நீங்கள் பிறக்கும்போது உமக்கிருந்த யோக்கியதை என்ன? இந்த நாட்டிலேயே பிறக்கும்போதே பிறவியினால் யோக்கியதை ஒருவனுக்கு உண்டு என்றால் அது பார்ப்பானுக்குத்தானேயொழிய யாருக்கும் இல்லை. இதை நினைக்க வேண்டாமா? பெரியார் மணச்ச நல்லூரில் பேசியது 14.11.1958.
சக மனிதர்களை இவ்வளவு கேவலமாக ஈவெராமசாமி பேசக்கூடியவர் தான். தம் எதிரிகளையெல்லாம் மலத்தோடு ஒப்பிட்ட அநாகரீக பேர்வழியான ஈவெராமசாமி - இவ்வாறாக பேசாவிட்டால் தான் ஆச்சர்யம். சரி - ஈவெராமசாமி குறிப்பிட்ட அந்த கட்டுரையில் இவ்வளவு தான் வாய்க்கொழுப்புடன் பேசி உள்ளாரா அல்லது இன்னும் அதிகப்படியாக பேசியிருக்கிறாரா என பார்க்க வேண்டி - முழுமையான கட்டுரையை தேடி வாசித்தபோது - ஈவெராமசாமி மேலும் கூறியதாக தெரியவந்தது, "அப்படியேதான் உனக்கு என்று ஒரு அந்தஸ்து (தகுதி) அரசாங்கத்தின் மூலம் ஏற்பட்டது என்று சொன்னாலும் யார் நீ? எங்களுடைய (Public Servant) வேலைக்காரன்தானே?
மேலே இந்த நாட்டுக்கே பிரதம மந்திரியாக இருக்கிற நேரு சொல்லுகிறார் நான் மக்களுடைய வேலைக்காரன் என்று அப்புறம் நீ யார்? எம்மாத்திரம்? எனக்கு யாரோ சொன்னார்கள் இந்த ஆசாமி அப்படி நடப்பதற்குக் காரணம் ஒரு பார்ப்பனத்தியைத் திருமணம் செய்து கொண்டிருக்கிறார். அதனாலேயே தன்னைப் பார்ப்பான் என்று நினைத்துக் கொண்டுதான் தோன்றித்தனமாக நடந்து வருகிறார் என்று. நம் ஆட்கள் சிலர் பார்ப்பனத்தியைக் கல்யாணம் பண்ணிக் கொண்டால் அவள் நம் ஜாதியாக ஆவதற்குப் பதிலாக இவன் பார்ப்பானாகி விடுகிறான்! பார்ப்பான் மாதிரியே பேசுகிறான் நடை, உடை, பாவனைகள், பேச்சு, உணர்ச்சி எல்லாவற்றையும் மாற்றிக் கொள்கிறான்.
அவர் அப்படிப்பட்ட ஆள்களில் ஒருவராக இருப்பதால் தானோ என்னவோ தம்முடைய ஆட்களை மனிதர்களாகவே மதித்து நடப்பதில்லை. இதற்கு ஏதாவது வழி பிறக்க வேண்டும். இல்லாவிட்டால் இன்னும் பல பேர்கள் சாகப் போவது உறுதிதான். இது போன்றவர்கள் தாங்கள் செய்யும் தொழிலுக்கு எப்படி பொருத்தமானவர்கள் ஆவார்கள்? "விடுதலை" 26.11.1958. மேற்கண்ட ஈவெராமசாமியின் பேச்சை மூன்றாக பிரிக்கலாம். ஒரு அரசு பணியிலிருப்பவர்கள் தன் பணியை சரியாக செய்யாமை, அதற்கு ஈவெராமசாமி சொல்லும் காரணம் மற்றும் சம்பந்தப்பட்ட பணியாளர் மீது ஈவெராமசாமி வைக்கிற அநாகரீகமான, அயோக்கியத்தனமான விமர்சனம். மேற்கண்ட ஈவெராமசாமியின் பேச்சை யெல்லாம் கேட்டுவிட்டு - பதிலுக்கு அவருக்கு மானமுள்ள ஒருவனால் நாகரீகமாகவெல்லாம் பதில் தர முடியாது என்பது தான் உண்மை.
ஈவெராமசாமிக்கு ஒடுக்கப்பட்ட சமூகத்தினரும், பார்ப்பன சமூகத்தினரும் ஒன்றுபட்டால் - அது அரசியல்ரீதியாக இருந்தாலும் சரி, மண வாழ்வாக இருந்தாலும் சரி - பொறுக்காது. மண வாழ்வில் இணைந்ததற்கு தான் ஈவெராமசாமியின் தற்குறித்தனமான விமர்சனத்தை மேலே பார்த்தோம். அரசியல்ரீதியாக இணைந்தால் - அதற்கான விமர்சனத்தை தான் 1965ம் ஆண்டு ஈவெராமசாமியின் 85வது பிறந்தநாள் செய்தியில் வாசித்தோமே, "நம் சமுதாய எதிரிகள் நால்வர் என குறிப்பிட்டு - பார்ப்பனர்கள், நம்மில் கீழானவர்கள்" என கூறி வன்மத்தை, தன் மனக் குப்பையை கொட்டினார். இனி மேற்கண்ட ஈவெராமசாமியின் பேச்சுக்கு அவர் பாணியிலேயே பதிலடி தருவோம்.
அண்ணல் அம்பேத்கர் கூட ஒரு பார்ப்பனப் பெண்மணியை தான் மணந்தார். அதற்காக ஈவெராமசாமி - அவர் மீதும் இம்மாதிரியான குற்றம் சுமத்தாமலிருந்தாரே என சந்தோஷப்பட்டு கொள்ளத்தான் வேண்டும். நீதிக்கட்சி ஆசாமிகளை பற்றி அண்ணல் அம்பேத்கர் அக்காலத்தில் கூறியது, "20 ஆண்டு ஆட்சி செலுத்தி வந்தும் 1937ஆம் ஆண்டு தேர்தலில் இக்கட்சி ஏன் தோல்வி அடைந்தது? வீழ்ச்சி அடைந்த உடன், கட்சித் தலைவர்கள், சீட்டுக்கட்டு வீசி எறிந்தால் அவை திக்குக்கு ஒன்றாய்க் காற்றில் பறந்து ஓடி விழுவதுபோல் கலைந்து மறைந்து விட்டதற்குக் காரணம் என்ன? பார்ப்பனர் அல்லாதார் ஓட்டுகள் தானே அதிகமாயிருந்தது? அவர்களிடம் இக்கட்சிக்கு ஏன் செல்வாக்கில்லை? என்பதை யோசியுங்கள்.
காரணம் தெரியுமா? இதற்கு முக்கிய காரணங்கள் இரண்டு ஆகும்.
ஒன்று பார்ப்பனர்களுக்கும், இக்கட்சி யாருக்காக ஏற்பட்டதோ அந்த பார்ப்பனரல்லாத மக்களுக்கும் எதில் எதில் என்ன என்ன வித்தியாசம் என்பதை இதன் தலைவர்கள் மக்களுக்கு எடுத்துச் சொல்லவில்லை. இதன் பேரால் பட்டம் பதவி உத்தியோகம் பெற்று பயனடைந்தவர்களும் நடந்து காட்டவில்லை. அவர்கள் தாங்களாவது உணர்ந்து கொள்ளவுமில்லை. மற்றும்
பிராமணீயத்தை வெறுக்கிறோம் என்று சொன்னார்களே ஒழிய, அப்படிச் சொன்ன தலைவர்கள் பிராமணீயத்தை தங்கள் வாழ்வில் வெறுக்கவில்லை. அவ்வளவோடு மாத்திரம் இல்லாமல் பிராமணீய அறிகுறிகளாகிய நாமம் முதலிய குறிகளை அணிந்து கொண்டு பிராமணர்களைப் போலவே நடித்து தங்களை (செகண்டு கிளாஸ்) 2ஆவது வகுப்புப் பிராமணர்கள் என்று தெரியும்படி நடை உடை பாவனைகளில் காட்டிப் பெருமையடைந்தும் வந்தார்கள்.
பார்ப்பனர்கள்மீது ஜஸ்டிஸ்கட்சி பார்ப்பனரல்லாத பிரமுர்களுக்கு இருந்து வந்த கோபமெல்லாம் பார்ப்பனர்கள் ஏன் நம்மை முதல் வகுப்பு (பஸ்ட் கிளாஸ்) பிராமணர்களாக ஒப்புக் கொள்ளவில்லை என்பதைத் தவிர பார்ப்பனியம் ஒழிக்கப்பட வேண்டுமே என்கின்ற கவலையே இல்லாமல் போனது பரிதாபகரமான காரியமாகும். ஒரு கட்சி இருந்தால் அக்கட்சியைச் சேர்ந்தவர்களுக்கும் அக்கட்சிக்கு எதிரிகளாய், அக்கட்சி பார்ப்பனரல்லாதவர்களாய் இருப்பவர்களுக்கு நன்றாய் பேதம் தெரியும் படியாய்க் கொள்கைகள், காரியங்கள் கொண்டவர்களாய் இருக்க வேண்டும்.
எதற்காக மற்றக் கட்சியை அல்லது நம் கட்சி அல்லாத மக்களை எதிர்க்கிறோம் என்பது நம் பாமர மக்களுக்கும் ஓட்டர்களுக்கும் தெரிய வேண்டாமா?
இதில் பார்ப்பனரல்லாதார் கட்சித் தலைவர்களுக்கு சிறிதும் கவலை இல்லாததாலும் தாங்களும் பார்ப்பனர்கள் போலவே தங்கள் வாழ்வில் நடந்து தங்கள் வாழ்க்கையில் பார்ப்பணீயத்துக்கு மரியாதையும், பெருமையும் கொடுத்து வந்ததாலும் பார்ப்பனரல்லாதார் கட்சிக்கு வேர் பூமியில் ஆழம்பட இறங்காமல் போனதோடு சிறியதொரு காற்றில் அது பெரியதொரு வீழ்ச்சியையும் அடைய நேரிட்டு விட்டது." அம்பேத்கர் சொன்னது நிருபிக்கும் வண்ணம் தானே இருந்தது எம்.சி.ராஜாவின் நீதிக்கட்சியிலிருந்து வெளியேறிய நிலை. சமூகநீதி கட்சி என ஈவெராமசாமியால் கட்டியமைக்கப்பட்ட, இன்றைக்கும் கதையளக்கப்படுகிற நீதிக்கட்சியை அண்ணல் இவ்வாறாக விமர்சித்ததற்கு ஈவெராமசாமிக்கு கோபம் வந்திருக்க வேண்டுமே, வந்து, "ஒரு பார்ப்பன பெண்மணியை மணந்ததால் தான் நீதிக்கட்சியை இவ்வாறாக அம்பேத்கர் காறித்துப்பிவிட்டார்" என விமர்சித்திருக்க வேண்டுமே.
ஆனால் விமர்சிக்கவில்லை. ஏன். நீதிக்கட்சி மீது இவ்வாறாக அண்ணல் விமர்சனம் வைத்த காலக்கட்டத்தில் ஈவெராமசாமி - நீதிக்கட்சியோடு 'டூ' விட்டிருந்தார் - அது தான் காரணம். நாம் அன்றாடம் செய்திதாள்களில் ஒரு செய்தியை வாசிக்கிறோம். அரசு மருத்துவர்கள் - நோயாளிகளிடம் அலட்சியமாக நடப்பது போன்ற செய்திகள். ஈவெராமசாமியின் மேற்கண்ட பேச்சை கேட்கிறபோது - 68 வருடங்களுக்கு முன்பும் இப்படித்தான் மருத்துவர்கள் இருந்திருக்கிறார்கள் என அறியமுடிகிறது. ஆனால் ஒரே ஒரு வித்தியாசம் என்னவென்றால் - தம் பணியை ஒழுங்காக செய்யாத மருத்துவரை ஈவெராமசாமியை போல் சாதிய வன்மத்துடன் வாய்க் கொழுப்புடன் இன்றைக்கு விமர்சிக்க மாட்டார்கள் என்பது தான் உண்மை.
இன்றைக்கு இத்தனை மருத்துவ கல்லூரிகள் இருந்து - இவ்வளவு மருத்துவர்கள் வருடந்தோறும் வருகையிலேயே மருத்துவர்கள் போதிய அளவு இல்லை - அதிகப்படியான பணிகளால் மருத்துவர்களும் மன அழுத்தத்திற்கு ஆளாகிறார்கள் என குறைபாடுள்ளபோது, 68 ஆண்டுகளுக்கு முன் - பெருமளவு தனியார் மருத்துவமனைகளும் இல்லாத ஒரு காலக்கட்டத்தில் - எல்லாவற்றுக்கும், எல்லோருக்குமே அரசு மருத்துவமனை தான் கதி என இருந்த காலத்தில் - தம் வேலைப்பளுவால் நிகழும் மருத்துவருக்குண்டான அசௌகரியங்களை கணக்கில் கொள்ளாமல் - அவரை சாதிய ரீதியாக விமர்சித்த ஈவெராமசாமியின் மண்டை மூளையில் எவ்வளவு பழுதிருக்கும்.
இன்றைக்கும் ஈவெராமசாமியான ஆட்களிருக்கத்தான் செய்கிறார்கள் - மருத்துவர்களின் அசௌகர்யங்களை புரிந்து கொள்ளாமல் பேசுவது, தாக்குவது. இத்தகைய பேர்வழிகளுக்காகவே இந்திய அளவிலேயே மருத்துவர்களை பாதுகாக்கக்கூடிய சட்டங்கள் வந்துவிட்டன. தமிழகத்தில் அம்மாதிரியான சட்டங்கள் இருப்பது பற்றி - மருத்துவர் மீது வன்மத்தை கொட்டிய அதே ஈவெராமசாமியின் விடுதலை பத்திரிகையே வெளியிட்ட ஒரு செய்தியை பார்ப்போம். "மருத்துவர்கள் பாதுகாப்பு : 16 ஆண்டுகளுக்கு முன்பே சட்டம் கொண்டு வந்தது தமிழ்நாடு அரசு" என்கிற தலைப்பில் 21-08-24 நாள் விடுதலையிலேயே வந்த ஒரு செய்தியை வாசிப்போம்.
"மருத்துவ சேவையாற்றுபவர்கள் தங்களது கடமையை செய்யும் போது அதனை தடுத்தாலோ, மருத்துவ சேவையாற்றும் நிறுவனங்களின் சொத்துகளுக்கு சேதம் ஏற்படுத்தும் வகையில் ஒரு நபர் தனியாகவோ, அமைப்பின் தலைவராக, உறுப்பினராக இருந்து வன்முறை செயல்களை செய்தல், அதை செய்ய தூண்டி விடுதல், ஊக்குவித்தல் போன்ற செயல்களை செய்தால் 3 ஆண்டுகளுக்கு குறையாமலும், 10 ஆண்டுகள் வரை சிறை தண்டனையும், அதோடு சேர்த்து அபராதமும் விதிக்கப்படலாம்.
தமிழ்நாடு அரசு 16 ஆண்டுகளுக்கு முன்பு இயற்றிய இந்த சட்டத்தை தீவிரமாக நடை முறைப்படுத்தினால் மருத்துவ சேவையாற்றுபவர்கள், மருத்துவ சேவையாற்றும் நிறுவனங்கள் மீது நடைபெறும் தாக்குதல்கள், வன்முறை சம்பவங்கள் குறையும். மருத்துவர்கள் உள்ளிட்ட சுகாதார சேவையாற்றுபவர்களும் பயமின்றி தங்களது கடமையை செய்ய முடியும் என்று மருத்துவர்கள் தெரிவித்துள்ளனர்" என்கிறது அந்த செய்தி.
ஒரு வேளை 1958லேயே இந்த சட்டமிருந்திருந்தால் - ஈவெராமசாமிக்கு கட்டாயம் மூன்று ஆண்டுகள் சிறை தண்டனை கிடைத்திருக்கக்கூடும் அல்லது ஆங்கிலேயனின் காலில் விழுந்து பகத்சிங் விவகாரத்தில் மன்னிப்பு கேட்டு தப்பியது போல் தப்ப வேண்டியது தான். அடுத்ததாக ஈவெராமசாமி கூறியது, "இந்த ஆசாமி அப்படி நடப்பதற்குக் காரணம் ஒரு பார்ப்பனத்தியைத் திருமணம் செய்து கொண்டிருக்கிற" காரணத்தால் தான் என்கிறார். அந்த மருத்துவர் ஊசி போட ஐந்து நிமிடம் தாமதமாகி இருக்கலாம் - அதற்கு ஈவெராமசாமி என்ன என்னவெல்லாம் சொல்கிறார் பாருங்கள். தம் மனக்குப்பையை எப்படி கொட்டுகிறார் பாருங்கள், "அவர் ஜாதிமுறைப்படி ஓர் ஆதி திராவிடர் பறையன், பஞ்சமன் என்று சொல்லப்படும் கீழ் ஜாதியைச் சார்ந்த ஒருவர்.
இவர்களுக்கெல்லாம் என்ன பிறக்கும்போதே யோக்கியதை, அந்தஸ்து (தகுதி) வந்துவிட்டதா? யாராலே வந்தது இந்த யோக்கியதை என்று எண்ணிப் பார்க்க வேண்டாமா? இந்த சுயமரியாதை இயக்கம் தோன்றிய பிறகுதானே பறையன், சக்கிலி, பஞ்சமன் என்பவரெல்லாம் மாறிக் கொண்டு வருகின்றன. யாராவது மறுக்கட்டுமே பார்க்கலாம்." எவனோ ஈவெராமசாமி சாதி ஆள் - தன் சாதி கெத்தில் தனக்கு மருத்துவம் பார்க்க சொல்லி முந்தி இருக்க வேண்டும். அந்த மருத்துவர், "போய் வரிசையில் வாய்யா" என சொல்லி இருக்க வேண்டும்" இது போதாதா - தி.க. ஆசாமிகளுக்கு. "இந்தத் திராவிடர் கழகம் தோன்றுவதற்கு முன்னால் எந்தப் பறையன், எந்தச் சக்கிலி, எந்தப் பஞ்சமன் இங்கு டி.எம்.ஓ.வாக (மாவட்ட மருத்துவ அதிகாரியாக) வந்திருக்கிறான்? எடுத்துக்காட்டினால் ஏற்றுக் கொள்கிறேன்" என ஒப்பாரி துவங்கி விட்டது.
அதோடுவிட்டதா ஈவெராமசாமியின் வன்மம். அந்த மருத்துவரின் மனைவியையும் இழுத்துவிட்டுவிட்டார். 21ம் பக்கத்தில் முன்னேற்றக் கழகத்தவரின் மனைவிமார்களையே பலிகடாவாக்கியவன். அதாவது ஈவெராமசாமியின் சமூக நீதி என்பது பண்ணையார் மனோபாவம் கொண்டது. "இருக்க இடம், வேலை, மூணு வேளை சோறு போடற எஜமானனுக்கு விசுவாசமா இரு. என்கிட்ட வர்றதுக்கு முன்னாடி எப்படி இருந்த" பழசை மறந்துடாதே என்பதை தானே, "ஜாதிமுறைப்படி ஓர் ஆதி திராவிடர் பறையன், பஞ்சமன் என்று சொல்லப்படும் கீழ் ஜாதியைச் சார்ந்த ஒருவர். இவர்களுக்கெல்லாம் என்ன பிறக்கும்போதே யோக்கியதை, அந்தஸ்து (தகுதி) வந்துவிட்டதா? யாராலே வந்தது இந்த யோக்கியதை என்று எண்ணிப் பார்க்க வேண்டாமா?" என்கிற ஈவெராமசாமியின் கதறலில் உள்ளது.
No comments:
Post a Comment