திருக்குறள் போற்றும் சமயம்- மறைக்கும் தமிழ் எதிரிகள் - அன்னிய மதக் கொத்தடிமைகள்

 திருக்குறள் இயற்றிய அடுத்த நூற்றாண்டே எழுந்த தமிழ் சமணர் மணக்குடவர் உரை - வள்ளுவத்தை வைதீக நூலாகத்தான் தமிழர் மரபில் உரை செய்துள்ளார்

வள்ளுவத்தின் வேர் என்பது - ஒருவன் கல்வி கற்பதன் இறுதிப் பயன் உலகைப் படைத்த ஆதிபகவன் எனும் பரம்பொருள் எனும் பிரம்மத்தின் திருவடிகளை தொழுவதற்கே; தொழாவிட்டால் பயனே இல்லை எனும்போது ஆத்திகத்திற்கு மாறானவற்றை தூக்கி எரிந்து விடுகிறார். 

செங்கோன்மை அதிகாரத்தில் நல்ல அரசனின் செங்கோல் அந்தணர்களின் வேதங்களிற்கும் அவற்றின் நீதி நூல்களிற்கும் அடிப்படையாக இருக்க வேண்டும் எனக் கூறினார்.  மோசமான அரசன் ஆட்சியில் மழை பொய்க்கும் என்றவர் அதனினும் கேடு பசுக்கள் பயன் குறையும், பிராமணர்கள் வேதம் மறப்பர் என தன் சமய நிலையை உறுதியாகக் கூறுகிறார்.

அறத்துப்பாலில் கொல்லாமை புலால் மறுத்தல் அதிகாரத்திலும் உயிர் கொலை கூடாது என்ற திருவள்ளுவரே பொருட் பாலில் அரசன் மற்றும் வீரர்கள் விழுப்புண் படாத நாளெல்லாம் வீண்; எதிரிகளை வேரோடு அழிக்க வேண்டும் என்றெல்லாம் கூறும் பொழுது அவை சத்திரியர்களுக்கு மட்டுமான அறங்கள் ஆகும்

திருக்குறள்நூலிற்கு  தமிழில் இதுவரை 750 க்கு மேற்பட்ட  உரைகள் வந்துள்ளன.  வள்ளுவத்தின் ஆணிவேர் மெய்யியல் கொள்கைகளிற்கு பொருந்தாத உரைகளே 99.5%. பண்டைய உரைகள், ஏன்  17ம் நூற்றாண்டு வரையிலான அனைத்து உரைகளும் பெருமளவில் தமிழர் மெய்யியல் மரபை ஒட்டி எழுந்தன.

திருக்குறளை பொது நூல் என்று கூறுவதும் திருவள்ளுவரின் வைதீக மெய்யியல் மரபை மறைப்பதற்கு செய்யும் ஒரு நச்சு வழியே ஆகும்.

அன்னிய மதமாற்ற சக்திகள் திருக்குறள் கடவுள் வாழ்த்தில் நேரடியான இறைவன் பெயர் இல்லை என்பதை உணர்ந்து மொழி பெயர்ப்பில் சிதைப்பதை தொடங்கியது ஜோசப் பெஸ்கி (வீரமாமுனி), ஜி.யு,போப் உரை (அன்றைய அளவில் ஓரளவு சரி எனினும்) பல இடங்களில் நச்சுகளை புகுத்தினர். சமீபத்தில் வந்த "The Kural" - "#Thomas_Pruuksma ஆங்கில மொழி பெயர்ப்பும் புனிதமான மெய்யியல் நூலை செக்யூலர் ஆக்கும் தனாமையே அதுவே இன்றைய திராவிடியார் கொடூர உரைகளிற்கு வேர் ஆக உள்ளது

திரு. மு.கருணாநிதி உரை தான் இவற்றின் உச்சம், நச்சு விதையாக கடவுள் வாழ்த்தின் சொற்களை அறிஞர்- தலைவர் எனப் பொருள் செய்யும் கீழமை பரவ பெரும் காரணி ஆகும்.

திருக்குறளை தன்னுடைய முனைவர் பட்ட ஆய்வாகக் கொண்டு சென்னை பல்கலைக்கழக திருக்குறள் துறையிலேயே பணியாற்றி இறுதியில் கிறிஸ்தவ தமிழ்த் துறையின் துறை தலைவராக ஓய்வு பெற்ற திரு #மோகனராசு திருக்குறள் மெய்யியலை சிதைப்பதில் தற்போது முன்னணியில் உள்ளார். திருவள்ளுவர் பயன்படுத்தி உள்ள பெயர் சொற்களை வினைச் சொற்களாக்கி தன்னிச்சையாக திருக்குறளை கீழமை செய்து கொண்டு வருகிறார்

சாந்தோம் சர்ச் ஆர்ச் பிஷப் அருளப்பா, தேவநேயப் பாவாணர் தாம்பரம் மெட்ராஸ் கிறிஸ்தவ கல்லூரி பேரா.சத்திய சாட்சி எனப் பலர் சேர்ந்து திருக்குறளை கிறிஸ்தவம் எனத் திரித்த முயற்சி; குறளிற்கு கிறிஸ்துவ உரையோடு மோசடி பண்டைய ஓலைச்சுவடி தயாரிப்பு பற்றி இவர் எங்குமே குறிப்பிட்டதாக நான் காணவில்லை 

 9.46 போட்ட பதிவில் இருந்த பாஜக என்கிற வார்த்தை 10 நிமிடத்தில்நீக்கிய தவெக - ஆனல் மொத்தமும் உளறல் தான்