தமிழ் நாட்டு சைபர் க்ரைம் உத்தரவின் பேரில் மொத்தம் 18 இணைய தளங்கள், சமூக ஊடகப் பதிவுகள், யூடியூப் சானல்கள் தடை செய்யப்பட்டுள்ளன. காரணம் தெளிவாகக் குறிப்பிடப்படவில்லை எனினும் இந்த தளங்கள், பதிவுகள் எல்லாவற்றுக்கும் இருந்த பொதுவான அம்சம்: அவை தவெகவை கடுமையாக விமர்சித்து நின்றவை என்பதுதான்.
ஆட்சிக்கு வந்த ஒரே நாளில் தங்கள் கட்சிக்கு எதிரான விமர்சனங்களை தவெக ஒடுக்க முனைகிறதா எனும் கேள்வி எழுகிறது. ஆளும் கட்சியை கடுமையாக விமர்சித்து இயங்கிய முதல்வர் விஜய், அது போல தங்களை யாரும் விமர்சித்து விடக் கூடாது என்று நினைக்கிறாரா?
கருத்துரிமை என்பது ஜனநாயகத்தின் அடிப்படைத் தேவை. இந்தியாவில் முழுமையான கருத்துரிமை இன்னமும் கிட்டவில்லை எனினும் அரசியல்-ரீதியான விமர்சங்களுக்கான உரிமை பெருமளவுக்கு உறுதி செய்யப்பட்டுள்ளது. அதனை ஒடுக்க முனைந்த பலரும் ஒடுங்கிப் போனதுதான் சுதந்திர இந்தியாவின் வரலாறு.
தவிர, இந்த மாதிரி எதிர்க் கருத்தை அடக்க முனைவது என்பது பூமர் அங்கிள் ஆட்சியாளர்களின் அணுகுமுறை. தனது பதவியேற்பு விழாவில் 'ஃப்ரெஷ்ஷா, மாஸா' ஒரு ஆட்சியைக் காட்டுவேன், என்று முதல்வர் விஜய் கோஷமிட்டார். விமர்சனங்களை ஒடுக்குவது 'ஃப்ரெஷ் ஸ்டைல்' இல்லை. ரொம்ப ரொம்பப் பழைய, புளித்துப் போன பழைய ஸ்டைல்.
இந்த சைபர் க்ரைம் உத்தரவு ஏதோ ஓவராக உணர்ச்சிவசப்பட்டுப் போன புது அமைச்சர் ஒருவரின் முயற்சி என்று நம்ப விரும்புகிறேன். விபரம் முதல்வரின் காதுகளுக்குப் போய், அந்த அமைச்சர் கண்டிக்கப்பட்டு, உத்தரவு வாபஸ் வாங்கப்படும் என்றும் எதிர்பார்க்கிறேன்.
உங்களிடம் ஃப்ரெஷ்ஷாக எதிர்பார்க்கிறோம் முதல்வர் சார். கெத்தா, மாஸா பண்ணுங்க. கருத்துரிமை ஒடுக்கல் எல்லாம் பூமர் அங்கிள், ஆண்டிகளின் காலத்தோடு முடியட்டும். ஜென்-ஸீக்களின் காலம் சிந்தனை சிறகடித்துத் தடையின்றிப் பறக்கும் காலமாக அமையட்டும்.
https://www.facebook.com/sridharfc/posts/pfbid023KYicQETRawbmRDCG4RXbpjCmE1vFQF7QJ76je2qT92ZUuhJ6aL6MDupXSPY7Atpl?__cft__[0]=AZZR7yvGP7_24HHC8nqgUg016cRcuvdXlMYzDhPLx1NDaTWnpnxkuWxq0pfs4fZEFzegIKSHD-tbUEm859D9FS3hseq4vmcZfcR6DWsW45dJr4XJcA85A-nKEiWsnuqM3B1Yy2yLz-O53bpyQmwDwIZvaQayX0mC9OZRgeH65RxtkKQzRgttud1N-ZazaaTVIGQ&__cft__[1]=AZbz9ogIG7yPbRYQNpZpKSQwB2bGHCTA6yF8jB6IvB8VaAjyZ_eSSL695Ztf49UX5ZKBmQ5tbUjN6A9ITe0OYZWtFlctQy6yL-TZKrVZnlLmSCugYp4BE3zyCK5Mt_jpClhq981RL1JW17E82xQ3eJhrKlTZ4dchukTjDk6JOhGY5e5hyHcwhrcIFZY2lEHYbOw&__tn__=%2CO%2CP-R
No comments:
Post a Comment