வணிகவரித்துறை இன்டெலிஜென்ஸ் 25 சொகுசு கார்கள் பதிவுத்துறை ஐ.ஜி.க்கு தாரை வார்ப்பு!

 வணிகவரித்துறை இன்டெலிஜென்ஸ் கார்கள் பதிவுத்துறை ஐ.ஜி.க்கு தாரை வார்ப்பு! 25 சொகுசு கார்கள் திடீர் மாற்றம் ஏன்? : நுண்ணறிவு பிரிவுக்கு மூடு விழா -பின்னணியில் பரபரப்பு தகவல்கள்

https://pbs.twimg.com/media/HPMcrmZbcAEFTrX?format=jpg&name=900x900

தமிழகத்தில் வணிகவரித்துறையின் நுண்ணறிவு பிரிவு (Intelligence Wing) பயன்படுத்தி வந்த 25 சொகுசு கார்கள், திடீரென பதிவுத்துறைக்கு மாற்றப்பட்டுள்ள சம்பவம் அரசு வட்டாரத்தில் பரபரப்பை ஏற்படுத்தியுள்ளது.

எதற்காக கார்கள் ஒப்படைப்பு? வணிகவரி, பதிவு மற்றும் அறநிலையத்துறை வெளியிட்ட அரசாணை படி, வணிகவரித்துறையில் உபரியாக உள்ள வாகனங்களை பதிவுத்துறையின் பயன்பாட்டிற்கு ஒதுக்கீடு செய்ய அரசு முடிவு செய்தது. அதன் தொடர்ச்சியாக, வணிகவரித்துறை கமிஷனர் எஸ்.நாகராஜன், 25 கார்களை பதிவுத்துறைக்கு ஒப்படைக்க உத்தரவிட்டுள்ளார். வணிகவரித்துறையில் நுண்ணறிவு பிரிவு சீரமைப்பு மற்றும் பதிவுத்துறையில் புதிதாக உருவாக்கப்பட்டுள்ள ஐ.ஜி., கூடுதல் ஐ.ஜி., டி.ஐ.ஜி., மாவட்ட பதிவாளர் (DR) பணியிடங்களுக்கு வாகன வசதி இல்லாததால், இந்த மாற்றம் செய்யப்பட்டதாக கூறப்படுகிறது. எந்தெந்த கார்கள்? 1. டொயோட்டா இன்னோவா கிரிஸ்டா (5):* பெரிய வரி செலுத்துவோர் பிரிவு, ஓசூர், ஈரோடு, திருப்பூர், சேலம் இன்டெலிஜென்ஸ் கார்கள். 2. மகிந்திரா ஸ்கார்பியோ (8): வேலூர், மதுரை, செங்கல்பட்டு, திருநெல்வேலி, சென்னை-I இன்டெலிஜென்ஸ் கார்கள். 3. டாடா சபாரி (12): திருச்சி, திருவாரூர், கடலூர், கோவை (வடக்கு), விருதுநகர், கிருஷ்ணகிரி, சென்னை, ஊட்டி உள்ளிட்ட இடங்களின் கார்கள். யாருக்கு ஒதுக்கீடு? - *TN 06G 2278 - IGR அலுவலகத்திற்கும், - TN 06G 2304 - http://Addl.IG (S&R), - TN 06G 2251 - http://Addl.IG (G.L.), - TN 06G 2262 - http://Addl.IG (Legal), - TN 06G 2288 - http://Addl.IG (C&S), - TN 06G 2254 - DIG மதுரை, - TN 06G 2277 - DIG திருநெல்வேலி, - TN 06G 2227 - DIG சேலம், - மீதமுள்ள 17 கார்கள் - சென்னை (வடக்கு), செய்யார், சிவகங்கை, செங்கல்பட்டு, கன்னியாகுமரி, நாமக்கல், திருவள்ளூர், நாகப்பட்டினம், கள்ளக்குறிச்சி, விழுப்புரம், கோவை, விருதுநகர், கிருஷ்ணகிரி, மத்திய சென்னை, ஊட்டி ஆகிய மாவட்ட பதிவாளர் (DR) அலுவலகங்களுக்கும் ஒதுக்கீடு. எப்படி ஒப்படைப்பு? வணிகவரித்துறை இணை கமிஷனர்கள் (ST) தான் ஒப்படைக்கும் அதிகாரிகள். அவர்கள் வாகனத்துடன் RC புத்தகம், லாக் புக், C-Form, பேட்டரி சான்றிதழ் உள்ளிட்ட அனைத்து ஆவணங்களையும், வாகன உரிமையையும் பதிவுத்துறைக்கு மாற்றி தர வேண்டும். இது பதிவுத்துறை ஐ.ஜி.யின் ஒப்புதலுடன் உடனடியாக அமலுக்கு வந்துள்ளது. 25 இன்டெலிஜென்ஸ் கார்கள் திடீரென பதிவுத்துறைக்கு போனதால், வணிகவரித்துறை நுண்ணறிவு பிரிவில் வாகன பற்றாக்குறை ஏற்படுமா? என்ற கேள்வியும் எழுந்துள்ளது. மேலும் இனி போதனை நடத்த வேண்டாம் என்று ஆணையர் உத்தரவிட்டதன் மூலம் நுண்ணறிவு பிரிவுக்கு மூமு விழா காண வணிகத்துறை ஆணையர் திட்டமிட்டு இருப்பதாக ஊழியர்கள் புகார் தெரிவித்துள்ளனர்