தவெக விழுப்புரம் நிர்வாகி அய்யப்பன் தற்கொலை - செந்தில் பாலாஜி காரணம் என கடிதம்

 சற்றுமுன் விஜய் தொண்டர் தூக்கிட்டு தற்கொலை! கரூர் துயரத்துக்கு செந்தில் பாலாஜி காரணம் என கடிதம்-உச்சகட்ட பரபரப்பு

Authored by: பவித்ரன் தேவேந்திரன்|Samayam Tamil•29 Sept 2025

https://tamil.samayam.com/latest-news/state-news/villupuram-district-tvk-cadre-ayyappan-committed-suicide-after-writing-letter-in-shock-over-karur-41-death-incident/articleshow/124216723.cms

தவெக விஜய் நடத்திய கரூர் தேர்தல் பிரச்சாரத்தில் 41 பேர் பலியான சம்பவம் குறித்து ஆதங்கமாக கடிதம் எழுதி வைத்துவிட்டு விழுப்புரம் மாவட்ட தவெக நிர்வாக அய்யப்பன் தற்கொலை செய்து கொண்டார்.

விழுப்புரம் மாவட்டம் விற்பட்டு தவெக கிளை நிர்வாகி அய்யப்பன் தூக்குப்போட்டு தற்கொலை செய்து கொண்டார். கரூர் துயர சம்பவம் குறித்து ஆதங்கமாக எழுதிவிட்டு தற்கொலை செய்து கொண்டதாக தகவல் வெளியாகி உள்ளது. அய்யப்பன் உடல் மற்றும் கடிதத்தை கைப்பற்றி போலீசார் விசாரணை நடத்தி வருகின்றனா். தவெக தலைவர் விஜய் கரூரில் 27ந் தேதி நடத்திய தேர்தல் பிரச்சாரத்தில் 41 பேர் கூட்ட நெரிசல் காரணமாக உயிரிழந்தனா். இந்த துயர சம்பவம் குறித்து ஆதங்கமாக அய்யப்பன் கடிதத்தில் எழுதி உள்ளார். இது பெரும் பரபரப்பை ஏற்படுத்தி உள்ளது.

தமிழக வெற்றிக் கழக அரசியல் வட்டாரத்தில் பெரும் பரபரப்பை ஏற்படுத்தும் வகையில், விழுப்புரம் மாவட்ட விற்பட்டு தவெக கிளை நிர்வாகி அய்யப்பன் தூக்குப்போட்டு தற்கொலை செய்து கொண்டார். கரூர் கூட்ட நெரிசலில் உயிரிழந்தோரின் துயரம் இவரை ஆழமாக பாதித்திருப்பதாக ஆரம்பக்கட்ட தகவல்கள் தெரிவிக்கின்றன.

கரூர் பேரதிர்ச்சி – 41 உயிர்கள் பலி

செப்டம்பர் 27ஆம் தேதி, கரூர் வேலுச்சாமிபுரத்தில் நடந்த தவெக தலைவர் விஜயின் தேர்தல் பிரச்சாரக் கூட்டத்தில் பெரும் கூட்டம் திரண்டது. திடீரென ஏற்பட்ட நெரிசலில் பெண்கள், குழந்தைகள் உள்ளிட்ட 41 பேர் உயிரிழந்தனர். மேலும் 100க்கும் மேற்பட்டோர் காயமடைந்தனர். இந்த சம்பவம் மாநிலம் முழுவதும் அதிர்ச்சியை ஏற்படுத்தியது.

இந்த சம்பவத்துக்குப் பிறகு, விற்பட்டு கிளை நிர்வாகியாக செயல்பட்ட அய்யப்பன் தனது வீட்டில் தற்கொலை செய்து கொண்டார். அவர் எழுதிய கடிதம் போலீசாரின் கைகளில் கிடைத்துள்ளது. அந்தக் கடிதத்தில், கரூரில் ஏற்பட்ட கூட்ட நெரிசல் விபத்தில் உயிரிழந்தோரின் துயரம் தாங்க முடியவில்லை.

தவெக நிர்வாகியாக இருந்தும், இந்த பேரழிவில் எதையும் செய்ய முடியாமல் போனது மிகுந்த வேதனையை ஏற்படுத்தியுள்ளது. இதற்கு செந்தில் பாலாஜி தான் காரணம். போலீசும் இதற்கு உடந்தையாக இருந்தார்கள் என்று குறிப்பிட்டுள்ளதாக தகவல் வெளியாகியுள்ளது.

அய்யப்பன் உடல் மற்றும் அவர் எழுதியதாகக் கூறப்படும் கடிதத்தை போலீசார் கைப்பற்றி விசாரணை நடத்தி வருகின்றனர். இது உண்மையிலேயே அந்த நிகழ்வின் காரணமாக நடந்ததா அல்லது வேறு காரணம் உள்ளதா என்பது குறித்து விசாரணை நடைபெறுகிறது. இந்த சம்பவம் தவெக நிர்வாகத்தில் பெரும் அதிர்ச்சியை ஏற்படுத்தியுள்ளது. கட்சியினரிடையே, “கரூரில் நடந்த துயர சம்பவம் தவெக குடும்பத்தில் அனைவரையும் உலுக்கியது. அய்யப்பன் போன்ற அர்ப்பணிப்புடன் செயல்பட்ட நிர்வாகியை இழந்தது மேலும் மனவேதனையை ஏற்படுத்துகிறது” என கூறப்படுகிறது.

அய்யப்பன் தற்கொலை

அய்யப்பனின் தற்கொலை செய்தி வெளியாகியதும், அவரது குடும்பத்தினரும் உறவினர்களும் ஏக்கத்துடன் துயரம் அனுபவித்து வருகின்றனர். அய்யப்பன் மீது சமூக வலைதளங்களிலும் பல்வேறு இரங்கல் பதிவுகள் வெளிவந்துள்ளன. கரூர் துயர சம்பவத்துக்குப் பிறகு அரசியல் மட்டத்திலும் பெரிய குற்றச்சாட்டுகள் எழுந்துள்ளன. திமுக, தவெக, அதிமுக ஆகியவை ஒருவர்மீது ஒருவர் குற்றம் சாட்டி வருகின்றன. இந்த சூழ்நிலையில் அய்யப்பன் தற்கொலை சம்பவம் அந்த விவகாரத்தை மேலும் சிக்கலாக்கும் எனக் கருதப்படுகிறது.

கரூர் பேரதிர்ச்சி சம்பவம் ஏற்கனவே தமிழ்நாட்டையே உலுக்கியது. அதில் உயிரிழந்தவர்களின் குடும்பங்கள் இன்னும் சோகத்தில் இருக்கின்றன. அதற்கு மேலாக, இப்போது தவெக நிர்வாகி ஒருவரின் தற்கொலை கூடுதல் பரபரப்பை உருவாக்கியுள்ளது. போலீசார் முழுமையான விசாரணை நடத்தி வருகின்றனர். இந்த சம்பவம், அரசியல் கூட்டங்களில் பாதுகாப்பு நடவடிக்கைகளின் அவசியத்தை மீண்டும் வலியுறுத்துவதாகவே பார்க்கப்படுகிறது.